|
Stefano Sanlorenzo
SOLO ÛN BRICCHETTO
Solo ûn bricchetto
In ta pövea teu casa
solitaia in çimma a-o
monte
intro.
Ti ti ë sensa lûxe,
g'ho solo ûn bricchetto:
l'aççendo o l'illûmina o letto poi mentre o s'asmorta mì
m'aççendo e t'aççendo e creemmo l'inçendio.
Sanlorenzo
Stefano Poeta
QUARCÖSA
Ho bezëugno de credde
in quarcösa co no segge
lontan comme o çê.
Quarcösa co segge ciù vixin, ciù
concreto, co me parle, co me stagghe a sentî.
Co me
dagghe amicizia,
emoziôin, amô.
Co me fasse sognà.
Che insemme se posse
giöi, soffrî de tûtto quello che o
futuro da vitta o l'avià da parte pe noî.
E questo
quarcösa
vêuriae che ti fosci tì.
Sanlorenzo Stefano
Poeta
A NATÛA
De baxaicò sarvægo,
nasce o cösto, nell'orto,
sötto a-o figo.
Nisciün l'ha misso,
nisciün ghe dâ
dell'ægua,
ma ancön l'è lì, senpre ciù bello, ödôso.
Comme i figgiêu descäsi
che vegnân sciù da söli,
forti, sensa 'na mouttìa.
Quarche vòtta mi penso
che
dâse tanto affanno
ne fà perde raxön e tempo.
Saiéva
mëgio ammiâ de ci a natûa e d'ëse a-o möndo, un pittin ciù
contenti.
Sanlorenzo Stefano Poeta
OGNI MENÛTO
Ogni menûto 'na pansâ de futta.
Ogni menûto 'na pansâ de
futta pè corpa de 'sto mondo mâdûcou, ch'o fa rincianze i
tempi de 'na votta quande o proscimo o l'éa ciû rispettou:
chi in sce righe vorrieva fâte secco, chi te sâte davanti
da-o fornâ,
chi l'ammasse l'amigo che o fa becco,
e
doppo ûn pô o l'è za lì a passeggiâ; chi s'abbelinn-e con ûn
pô de pûa pè no voei affrontâ 'na vitta dûa, che ancon ciû
dûa a divente quello
giorno ch'o vorriæ piggiâ a stradda
do ritorno; chi nêutte e giorno te rompe
o belin
ciarabattando cö telefonin, chi porte o can lasciando a cà a
paletta
e coscì sotta i pê a l'è merda scciætta.
Pe
'sta gente gh'avieva a soluziun però existe 'na
controindicaziun:
daiéva tanti casci in to panê che doppo
ûn pô me se gonfiéva o pê.
Sanlorenzo Stefano Poeta
ÇÄA
Cäa, l'è tost'ôa che
ti vagghi a
dormî
sëra i euggi no avej
puïa che stajö chi
con
ti, ti veddiæ che
belle nanne ti fajæ
into lettin
pensa a
tutte e còse belle
che ghe son intorno
a
ti.
Gh'è o mignin ch'o
te ronfa e l'orieiva
zeugâ.
Gh'è l'orsetto coscì
tenio da voeilo
abbrassâ.
Ghe
son tanti angioëti
into seunno ti i veddjæ.
Sëra
tosto i teu euggetti
pösa a testa insce l'oegê.
Peccòu
che no posso fävela
sentî sunâ con a chitära.
Sanlorenzo Stefano Poeta
|
Stefano Sanlorenzo è nato a Pegli ora vive a Camagna
Monferrato. Sul suo profilo FB si definisce Steva Poeta
e Scrittore.
L'URTIMO POETA ZENEISE
L'urtimo poeta
zeneise
Comme peizan i cavelli gianchi!
M'han creòu l'artrosi cervicale: dôi
in sciö cian da testa, in to copûsso, de votte l'è comme
se pestessan in ten mortâ tanto
fan mä.
L'è allòa che strenzo i denti e caccio
zû 'na poexia in zeneise
che mai nisciun lëzià.
A-i concorsci i vei zeneisci son
sempre meno; ' 'sto popolo o s'asmorta
comme 'na candéia
lasciando o passo a gente de ätre
regioin, de ätri mondi che conoscian
tante lengue ma o nostro dialetto no.
Semmo i urtimi superstiti de n'antiga
tradizion, portemmo avanti con giammin, quaxi tutti careghi
de anni e de malanni, unna sciamma ch'a vive de ricordi
assopii -rifiorii in te neutti sensa seunno - quande o vento
fùrioso de Liguria
o porta voxi. Me vèn da rie e da
cianze
a
pensâ a l'urtimo zeneise ch'o se
presentia a l'urtimo concorso de
poexia.
O
strenziâ o premmio a-o cheu e o s'allontanìa discreto - tra
cineixi e marocchin, cileni
e magrebin - che han sciummi de
figgieu in ta 'na Zena ch'a no pârìa
ciù a sò..
Sanlorenzo Stefano Poeta
INNAMOÂSE A PRIMMAVEJA
Coêugge un fiore
do colore de l'amé
e veddighe drento
i sêu êuggi.
Accaessâ petali rêuza
morbidi comme vellû
e sentî a sêu pelle
sott-a e die.
Vedde un ochin
xoâ feliçe
e sentîse lasciù
in to çe.
Serrâ i êuggi
pe un momento
e immaginâse
- forte forte -
l'abbrasso do têu amô.
Sanlorenzo Stefano Poeta
L'ABBRASSO DO TEÛ AMÒ..
E a l'è davvei cuscì.
Quaranta righe proprio
no basto pe pueì dî quante
o mundo o l'è guasto.
Pe evitâ in po de speise
descie guere i l'han asseise.
E a listêuia ancon a s'allonga
oua che ghemmo l'ommo
bomba.
E radiasiùn chi ne trapasso
e mille cose chi n'ammasso.
Frûta e verdûa a l'è avvelenâ,
carne e pescio chi te fan mâ.
No se pêu ciu respiâ perché
l'aja a l'è impestâ.
Quante figgiêu da famme
l'è creppou e ghè chi ghe
in se carrosse d'öu.
Ghè a moæ chi càccio in tu bidon
e chi càcce zu da o barcon.
Poi ghè a moæ cö chêu de tigre
che a u fa negâ in ta lavatrice.
In televiscion regna a viulensa
e donne nûe sensa cosciensa:
a i figgiêu cuscì i ghe fan
schèua "a delinquere" pe o
doman.
Ogni giurno, cascio strano,
cazze sempre ûn'areuplano.
Poi ghè i grattacieli chi van zù
e chi sensa u viagra u nu sta sciù!
I Euri fæti tantu piccin
chi fan in po giâ o .....
Pe fà anâ in po ciu liscio
o Panella o beie o piscio.
O fûmme di automobili chi
crescio delungo
i l'han purtôu a fin do mundo.
U bêuso in te l'ozono e o sô
cu ne fa mâ se femmo ben
i conti: ghe poco da scampâ.
E pe megioa a situasiun
se fan sfilate de modda
e partïe de ballon.
Visto che o vive o no l'è ciu
giucundo, speremmo che
almeno oua no clono
ascí o mundo.
Sanlorenzo Stefano Poeta
|
